Friday, November 20, 2026
Dainik Market Special
  • होम
  • जळगाव
    • अमळनेर
    • भडगांव
    • भुसावळ
    • बोदवड
    • चाळीसगाव
    • चोपडा
    • धारणगांव
    • एरंडोल
    • जामनेर
    • जळगाव तालुका
    • मुक्ताई नगर
    • पाचोरा
    • पारोळा
    • रावेर
    • यावल
  • महाराष्ट्र
  • देश – विदेश
  • राजकीय
  • आरोग्य
  • खेळ
  • मनोरंजन
  • इतर
    • वाढदिवस
    • निधन वार्ता
No Result
View All Result
Dainik Market Special
No Result
View All Result

कंबरेला प्लायर, खांद्यावर जबाबदारी; धामणगावच्या ‘वायरवुमन’ ज्योतीची प्रेरणादायी कहाणी

दैनिक मार्केट स्पेशल by दैनिक मार्केट स्पेशल
August 17, 2026
in maharashtra
0
कंबरेला प्लायर, खांद्यावर जबाबदारी; धामणगावच्या ‘वायरवुमन’ ज्योतीची प्रेरणादायी कहाणी
0
SHARES
38
VIEWS
Share on FacebookShare on Twitter

“कंबरेला प्लायर, खांद्यावर जबाबदारी; पुरुषांचं मानलं जाणारं काम आत्मविश्वासाने करणारी ‘वायरवुमन’ ज्योती!”

HTML img Tag Simply Easy Learning

“वीज गेली की महावितरणला नव्हे, थेट ज्योतीला फोन; धामणगावच्या लेकीने बदलली महिला कर्मचाऱ्यांकडे पाहण्याची दृष्टी”

HTML img Tag Simply Easy Learning

‘
बुलढाणा- जिल्ह्यातलं छोटंसं गाव धामणगाव. गावाचा मुख्य व्यवसाय शेती, गावात एक मंदिर, एक चौक, एक हॉटेल आणि एक महावितरणचं कार्यालय.
महाराष्ट्राच्या कुठल्याही गावात असतं असं हे चित्र.
पण या गावात बाईकवरून फिरणाऱ्या, महावितरणमध्ये काम करणाऱ्या एका लेकीचा अनेकांना अभिमान आहे. त्यांचं नाव ज्योती आहेर.
महावितरणमध्ये गेल्या चार वर्षांपासून काम करणाऱ्या ज्योती बुलढाणा जिल्ह्यातल्या धामणगावात वीजपुरवठ्याशी संबंधित तक्रारी सोडवतात. सोशल मीडिया, माध्यमं आणि तिच्या विभागात त्यांची ओळख महिला ‘महिला वायरमन’ अशी असली तरी गावकऱ्यांसाठी त्यांची ती लेक आहे.
कंबरेला प्लायर, मागे लोखंडी पोल चढण्यासाठीचे बूट, खांद्यावर सुरक्षेचा बेल्ट आणि हातात कामासाठी लागणारे साहित्य. ज्योती यांचा हा पेहराव आता गावकऱ्यांना नेहमीचा झालाय.
गावाच्या चौकात एक वयोवृद्ध आजोबा त्यांना हात करून थांबवतात. “केलं ना काल?” ते विचारतात.
“केलं… कालच केलं. बारा-एक वाजता,” ज्योती आहेर उत्तर देतात आणि पुन्हा पुढची तक्रार सोडवायला निघतात.
ही काही मोठी घटना नाही. पण धामणगावात ज्योती यांची ओळख समजून घ्यायची असेल, तर एवढा प्रसंग पुरेसा आहे.
गावात वीज गेली, काही बिघाड झाला किंवा कुठे लाईन बंद पडली की अनेकांचा पहिला फोन त्यांच्याकडेच येतो.
‘पुरुषांचं मानलं गेलेलं काम’
वीज वितरण व्यवस्थेतील फिल्डवरचं काम अनेक दशकांपासून पुरुषांचं क्षेत्र मानलं जात होतं. पोल चढणं, फ्यूज बदलणं, तुटलेल्या लाईन दुरुस्त करणं किंवा पावसात, वादळात बाहेर पडून वीजपुरवठा सुरळीत करणं अशी कामं करताना फारशा महिला दिसत नव्हत्या.
महावितरणने 2013 मध्ये महिलांना लाइनस्टाफच्या पदांवर संधी देण्यास सुरुवात केली. त्या काळात सुमारे 2,200 महिला ‘विद्युत सहाय्यक’ म्हणून भरती झाल्या, तर 2013 मधील एका वृत्तानुसार 2,206 महिलांची टप्प्याटप्प्याने भरतीसाठी निवड झाली होती.
2024 मधील एका बातमीनुसार, महावितरणमध्ये सुमारे 55 हजार कर्मचारी असून त्यापैकी जवळपास 10 हजार महिला आहेत.
ज्योती त्या बदलाचा भाग आहे. पण त्यांच्याशी बोलताना आपण काही वेगळं करत आहोत, अशी जाणीवही त्यांना नसल्याचं दिसतं.
‘ड्युटीचं टायमिंग फिक्स नसतं’
“लाईट गेली की लगेच फोन येतात. ड्युटीचा टायमिंग काय फिक्स नाही आमच्या. चोवीस तास, केव्हा फोन आला तेव्हा जावं लागतं. अर्ध्या रात्रीसुद्धा.”
धामणगाव सेक्शनमध्ये काम करत असलेल्या ज्योती यांच्यासोबत एक दिवस घालवताना त्यांच्या या वाक्याचा अर्थ प्रत्यक्ष अनुभवायला मिळतो.
पहिली तक्रार गावाबाहेरच्या शेतात होती. आम्ही दुचाकीने तिथपर्यंत गेलो. त्यानंतर जवळपास एक किलोमीटर पायपीट करत एका लोखंडी पोलपर्यंत पोहोचलो. त्या पोलवर एक जुनी डीपी होती.
पोलवर चढण्याआधी ज्योतीने सर्वात आधी कार्यालयाला फोन केला. संबंधित लाईनचा वीजपुरवठा बंद करण्याच्या सूचना दिल्या गेल्या. खात्री झाल्यानंतरच तिने सुरक्षेचा पट्टा बांधला, हातमोजे घातले आणि पोलवर चढायला सुरुवात केली.
पोलवर चढणं हा या कामाचा फक्त एक भाग आहे. संबंधित लाईन बंद आहे, याची खात्री करण्यापासून ते काम पूर्ण झाल्यानंतर वीजपुरवठा पुन्हा सुरू करण्यापर्यंत प्रत्येक टप्प्यावर सावधगिरी आवश्यक आहे.
काम पूर्ण झाल्यानंतर ती खाली उतरली. सुरक्षित अंतरावर गेल्यावर पुन्हा कार्यालयाला फोन करून वीजपुरवठा सुरू करण्यास सांगितलं. काही मिनिटांत त्या भागात पुन्हा वीज आली.
‘पहिल्यांदा पोल चढताना…’
आज लोखंडी पोल सहज चढणाऱ्या ज्योती पहिल्यांदा मात्र घाबरल्या होत्या. अप्रेंटिसशिपच्या काळात प्रशिक्षण सुरू असताना सरावासाठीच्या खांबावर त्यांना चढायला सांगितलं गेलं.
“मी म्हटलं, ‘मॅडम, मी कशी चढू?'” त्यावर उत्तर आलं, “‘जा… पडलीस तर मी दवाखान्यात नेईन.'”
ज्योती कसाबसा पोल चढल्या. त्यानंतर आठ दिवस सराव केला. “आता मी लोखंडी पोल सहज चढते,” त्या हसत सांगतात.
ज्योती यांच्या कंबरेला कायम एक प्लायर अडकवलेला असतो. “हा माझा जीव की प्राण आहे. हा सोडून मी कुठेच जाऊ शकत नाही.” सुरक्षेसाठीचा बेल्ट, हातमोजे, बूट, अर्थिंग रॉड आणि प्लायर प्रत्येक वस्तू त्यांच्यासाठी महत्त्वाची आहे.
त्या स्वतःला कधीच ‘धाडसी’ म्हणत नाही. पण त्यांचं काम पाहताना धाडस हा रोजच्या कामाचा भाग असल्याचं लक्षात येतं. ज्योती यांच्या लक्षात राहिलेली एक घटना त्या आजही सांगतात.
एका संध्याकाळी संपूर्ण गावाचा वीजपुरवठा खंडित झाला होता. डीपीचा फ्यूज गेला होता. फोनवर फोन येत होते. त्या वेळी त्यांच्यासोबत इतर कोणताही कर्मचारी नव्हता.
“मग धाडस केलं. गावातले काही मित्र मदतीला आले. फ्यूज टाकण्याचा प्रयत्न सुरू असतानाच डीपीत मोठा स्पार्क झाला. सगळे लोक घाबरून गेले. अंगाला कापरं सुटलं.”
असे प्रसंग ज्योतीच्या कामाचा भाग आहेत. सुरुवातीला घाबरलेली ज्योती आता या कामात सराईत झाल्या आहेत.
‘वर्दी घालायचीच होती’
ज्योती यांच्यासाठी ही नोकरी फक्त रोजगार नाही. लहानपणी त्यांनाही इतर मुलांसारखंच वर्दीचं आकर्षण होतं. “पोलीस व्हायचं होतं. नाहीतर आर्मीमध्ये जायचं होतं,” पण उंची कमी पडली. ते स्वप्न अपूर्ण राहिलं. मात्र वर्दी घालण्याची इच्छा कायम राहिली.
महावितरणच्या भरती यादीत नाव आलं, तो दिवस आजही त्यांना स्पष्ट आठवतो. “खूप आनंद झाला.” त्या दिवशी त्यांच्या कुटुंबानं आणि गावकऱ्यांनी मिळून पाच-सात किलो साखर वाटली.
ज्योती यांचे वडील चालक आहेत. चार मुलांना शिकवताना त्यांनी प्रत्येकाला समान संधी दिली. ज्योती स्वतःला अभ्यासात ठिकठाक पण खेळात पुढे होते, असं सांगतात. त्यांच्या कुटुंबातील त्या पहिल्या सरकारी कर्मचारी ठरल्या.
ज्योती यांच्या कार्यालयात कनिष्ठ अभियंता पदावर काम करणारे सुमित खबुतरे, त्यांच्याबद्दल बोलताना अभिमान लपवत नाहीत.
त्यांच्या मते, फिल्डवरचं काम महिलांसाठी शारीरिक आणि मानसिकदृष्ट्या आव्हानात्मक असतं. पण ज्योती यांनी ते केवळ स्वीकारलं नाही, तर अनेकदा त्या पुरुष सहकाऱ्यांच्या बरोबरीने, काही वेळा त्यांच्यापेक्षाही चांगलं काम करतात, असं ते म्हणाले.
“तिने आम्हालाही महिलांकडे पाहण्याचा दृष्टिकोन बदलायला शिकवलं,” असं ते म्हणाले. धामणगावात ज्योती यांच्यासोबत फिरताना हे शब्द खरे वाटतात.
गावातल्या महिला त्यांच्याकडे अभिमानाने पाहतात. तर अनेकांसाठी त्या आता इतक्या परिचित झाल्या आहेत की तिचं पोल चढणंही रोजचंच दृश्य बनलं आहे.
ज्योती यांवा मी विचारलं, “तुम्हाला मी वायरमन म्हणलेलं आवडेल की वायरवुमन?” त्या काही क्षण थांबल्या. “लोक तर मला नावानेच हाक मारतात… ज्योती म्हणतात.”
त्यानंतर त्या सहज म्हणाल्या, “वायरवुमन म्हटलं काय… वायरमन म्हटलं काय… काम तर एकच करणार ना?”
दिवसभर तिच्यासोबत फिरल्यानंतर माझ्या लक्षात राहिलेलं एक दृश्य म्हणजे शेतातून चालणाऱ्या ज्योती. एका हातात अर्थिंग रॉड, कंबरेला प्लायर, खांद्यावर जबाबदारी. शरीरानं सडपातळ असलेली ही तरुणी चालताना मात्र एखाद्या अनुभवी कर्मचाऱ्याचा आत्मविश्वास घेऊन चालत असते.
कामाचं श्रेय मिळालं नाही तरी त्यांना त्याचं फारसं वाटत नाही. “लोकांच्या समस्या दूर होतात… आम्हाला खूप समाधान आहे. आम्ही केलं म्हणून त्यांचं काम झालं… बस्स.”
कदाचित म्हणूनच धामणगावात वीज गेली की लोक महावितरणला नाही, तर थेट ज्योती यांनाच फोन करतात.

व्हाट्सअप ग्रुप जॉइनिंगसाठी क्लिक करा -

https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4

जाहिरातीसाठी संपर्क - 7620878766

विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.

Your browser does not support the video tag.
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
HTML img Tag Simply Easy Learning
Previous Post

जळगाव ब्राह्मण सभेची १०३ वी वार्षिक सर्वसाधारण सभा संपन्न

Next Post

खानदेशच्या कन्याने मारले बाजी; एमपीएससी पदाक्रांत करत थेट राज्य कर निरीक्षक (एसटीआय) पदावर नियुक्ती

दैनिक मार्केट स्पेशल

दैनिक मार्केट स्पेशल

Next Post
खानदेशच्या कन्याने मारले बाजी; एमपीएससी पदाक्रांत करत थेट  राज्य कर निरीक्षक (एसटीआय) पदावर नियुक्ती

खानदेशच्या कन्याने मारले बाजी; एमपीएससी पदाक्रांत करत थेट राज्य कर निरीक्षक (एसटीआय) पदावर नियुक्ती

Leave a Reply Cancel reply

Your email address will not be published. Required fields are marked *

ताज्या बातम्या

जळगावातील सौ.सुशीला परशुराम झारे यांचे निधन

जळगावातील सौ.सुशीला परशुराम झारे यांचे निधन

by दैनिक मार्केट स्पेशल
November 20, 2026
0

निधन वार्ता - जळगाव येथील बळीराम पेठेतील रहिवासी सौ.सुशीला परशुराम झारे ( वय 82) यांचे आज शुक्रवार दि.20/11/2026 रोजी वृद्धापकाळाने...

बस आता खूप झालं, उत्तर द्यावेच लागणार, भारतावर भडकले बांगलादेशचे पंतप्रधान, थेट..

बस आता खूप झालं, उत्तर द्यावेच लागणार, भारतावर भडकले बांगलादेशचे पंतप्रधान, थेट..

by दैनिक मार्केट स्पेशल
November 20, 2026
0

बस आता खूप झालं, उत्तर द्यावेच लागणार, भारतावर भडकले बांगलादेशचे पंतप्रधान, थेट..   बांगलादेशमध्ये तणाव आहे. अनेक ठिकाणी बॉम्बस्फोट झाले....

सोमवार ठरणार भाग्याचा टर्निंग पॉइंट; काही राशींच्या पदरात यश, तर काहींसमोर नात्यांची परीक्षा

जळगाव जिल्ह्यातील १९ नोव्हेंबर २०२६ रोजीच्या दहा महत्त्वाच्या बातम्या

by दैनिक मार्केट स्पेशल
November 19, 2026
0

जळगाव जिल्ह्यातील १९ नोव्हेंबर २०२६ रोजीच्या दहा महत्त्वाच्या बातम्या दैनिक मार्केट स्पेशल | जळगाव जिल्हा वृत्तसंकलन १. बोरणार येथे तरुणाचा...

महाराष्ट्र सरकारचा कर्मचाऱ्यांसाठी मोठा निर्णय; पगार कपात, ओव्हरटाइम आणि सुट्ट्यांचे नियम बदलले

महाराष्ट्र सरकारचा कर्मचाऱ्यांसाठी मोठा निर्णय; पगार कपात, ओव्हरटाइम आणि सुट्ट्यांचे नियम बदलले

by दैनिक मार्केट स्पेशल
November 19, 2026
0

महाराष्ट्र सरकारचा कर्मचाऱ्यांसाठी मोठा निर्णय; पगार कपात, ओव्हरटाइम आणि सुट्ट्यांचे नियम बदलले नोकरी करणाऱ्या कर्मचाऱ्यांसाठी महत्त्वाची बातमी आहे. महाराष्ट्र सरकारने...

लग्नासाठी सोनं घेण्याचं स्वप्न होणार पूर्ण? 50 हजारांनी स्वस्त झालं सोनं! सलग 10 दिवस घसरण; आजचा भाव किती?

लग्नासाठी सोनं घेण्याचं स्वप्न होणार पूर्ण? 50 हजारांनी स्वस्त झालं सोनं! सलग 10 दिवस घसरण; आजचा भाव किती?

by दैनिक मार्केट स्पेशल
November 19, 2026
0

लग्नासाठी सोनं घेण्याचं स्वप्न होणार पूर्ण? 50 हजारांनी स्वस्त झालं सोनं! सलग 10 दिवस घसरण; आजचा भाव किती?   सोनं-चांदीच्या...

डोनाल्ड ट्रम्प अडचणीत! अडीचशे वर्षांचा इतिहास बदलणार; अमेरिकन संसदेचे नेतृत्व करणार ‘ब्रुकलिनचा कृष्णवर्णीय सुपुत्र’

डोनाल्ड ट्रम्प अडचणीत! अडीचशे वर्षांचा इतिहास बदलणार; अमेरिकन संसदेचे नेतृत्व करणार ‘ब्रुकलिनचा कृष्णवर्णीय सुपुत्र’

by दैनिक मार्केट स्पेशल
November 19, 2026
0

डोनाल्ड ट्रम्प अडचणीत! अडीचशे वर्षांचा इतिहास बदलणार; अमेरिकन संसदेचे नेतृत्व करणार 'ब्रुकलिनचा कृष्णवर्णीय सुपुत्र'   ऐतिहासिक उमेदवारी पहिल्या कृष्णवर्णीय अध्यक्षाची...

सोमवार ठरणार भाग्याचा टर्निंग पॉइंट; काही राशींच्या पदरात यश, तर काहींसमोर नात्यांची परीक्षा

व्यवसायात प्रगतीचे योग! पाहा आजचे तुमचे राशीभविष्य

by दैनिक मार्केट स्पेशल
November 19, 2026
0

व्यवसायात प्रगतीचे योग! पाहा आजचे तुमचे राशीभविष्य   मेष - आज आर्थिक नुकसानीचे योग आहेत, त्यामुळे सावध राहा. ऑफिसमध्ये तुमची...

भारतातील सर्वात श्रीमंत गाव हेच… छोट्याशा गावात आहेत 17 बँका

भारतातील सर्वात श्रीमंत गाव हेच… छोट्याशा गावात आहेत 17 बँका

by दैनिक मार्केट स्पेशल
November 19, 2026
0

भारतातील सर्वात श्रीमंत गाव हेच... छोट्याशा गावात आहेत 17 बँका साधारणपणे गाव म्हटलं की हिरवीगार शेतं, छोटी घरं, शांत वातावरण...

पीएफ खातेधारकांसाठी खूशखबर ! आता व्हॉट्सॲपवर घरबसल्या तपासा तुमचा पीएफ बॅलन्स; EPFOची भन्नाट सुविधा

पीएफ खातेधारकांसाठी खूशखबर ! आता व्हॉट्सॲपवर घरबसल्या तपासा तुमचा पीएफ बॅलन्स; EPFOची भन्नाट सुविधा

by दैनिक मार्केट स्पेशल
November 18, 2026
0

पीएफ खातेधारकांसाठी खूशखबर ! आता व्हॉट्सॲपवर घरबसल्या तपासा तुमचा पीएफ बॅलन्स; EPFOची भन्नाट सुविधा नोकरी करणाऱ्या लोकांसाठी कर्मचारी भविष्य निधी...

जळगाव जिल्हा बँक निवडणुकीत गिरीश महाजनांची बिनविरोध निवड, मुक्ताईनगरच्या जागेकडे सर्वांचं लक्ष; आज माघारीचा अखेरचा दिवस

जळगाव जिल्हा बँक निवडणुकीत गिरीश महाजनांची बिनविरोध निवड, मुक्ताईनगरच्या जागेकडे सर्वांचं लक्ष; आज माघारीचा अखेरचा दिवस

by दैनिक मार्केट स्पेशल
November 18, 2026
0

जळगाव जिल्हा बँक निवडणुकीत गिरीश महाजनांची बिनविरोध निवड, मुक्ताईनगरच्या जागेकडे सर्वांचं लक्ष; आज माघारीचा अखेरचा दिवस Jalgaon District Central Bank...

Load More
  • Home
  • About Us
  • Contact Us
  • Disclaimer
  • Privacy Policy
  • Correction Policy
  • Editorial Policy
  • Fact-Checking Policy
  • Terms & Conditions

© Website Design by Digital Buffalo - 9028927697

error: Content is protected !!
No Result
View All Result
  • होम
  • जळगाव
    • अमळनेर
    • भडगांव
    • भुसावळ
    • बोदवड
    • चाळीसगाव
    • चोपडा
    • धारणगांव
    • एरंडोल
    • जामनेर
    • जळगाव तालुका
    • मुक्ताई नगर
    • पाचोरा
    • पारोळा
    • रावेर
    • यावल
  • महाराष्ट्र
  • देश – विदेश
  • राजकीय
  • आरोग्य
  • खेळ
  • मनोरंजन
  • इतर
    • वाढदिवस
    • निधन वार्ता

© Website Design by Digital Buffalo - 9028927697