ऐन दुपारी जमीन हादरली, घरांच्या भिंती थरथरल्या! भूकंपाच्या धक्क्याने नागरिकांची धावपळ
यवतमाळ जिल्ह्यातील कळंब तालुक्यातील एकलासपूर येथे भूकंपाची नोंद
भूकंपाची तीव्रता ३.० रिश्टर स्केल इतकी होती.
दुपारी तीन वाजण्याच्या सुमारास नागरिकांना भूकंपाचे धक्के जाणवले.
यवतमाळ जिल्ह्यातील कळंब तालुक्यातील एकलासपूर येथे भूकंपाचा सौम्य धक्का बसलाय. या भूकंपाची तीव्रता ३.० रिश्टर स्केल इतकी नोंदवण्यात आली आहे. गावात पहिल्यांदाच भूकंपाचे हादरे जाणवल्याने काही काळ नागरिकांमध्ये भीतीचे वातावरण निर्माण झाले होते. आज दुपारी तीन वाजण्याच्या सुमारास भूकंपाचे हादरे जाणावले. त्यानंतर नागरिक भीतीने सैरवैर पळू लागले.
मिळालेल्या माहितीनुसार, कळंब तालुक्यातील मौजा एकलासपूर येथे ३.० रिश्टर स्केल तीव्रतेच्या भूकंपाची नोंद झाली. भूकंपाची माहिती मिळताच जिल्हा प्रशासन आणि जिल्हा आपत्ती व्यवस्थापन प्राधिकरण सतर्क झाले असून परिस्थितीवर लक्ष ठेवण्यात येत आहे.
दरम्यान, संबंधित महसूल विभाग आणि स्थानिक प्रशासनाकडून परिसरातील परिस्थितीची माहिती घेण्यात आली आहे. या भूकंपामुळे जिल्ह्यात कुठेही जीवित किंवा वित्तहानी झाल्याची नोंद नसल्याची माहिती प्रशासनाकडून देण्यात आली आहे.
एकलासपूर परिसरात पहिल्यांदाच भूकंपाचे धक्के जाणवल्याने नागरिकांमध्ये काही काळ घबराट पसरली होती. मात्र, सुदैवाने कोणतीही मोठी हानी झालेली नाही. जिल्हा प्रशासनाकडून परिस्थितीवर बारकाईने लक्ष ठेवले जात आहे.
व्हाट्सअप ग्रुप जॉइनिंगसाठी क्लिक करा -
https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4
जाहिरातीसाठी संपर्क - 7620878766
विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.










