अंडर-19 आशिया कपच्या फायनलमध्ये पाकिस्तानचा धुव्वा! टीम इंडियाचा रोमहर्षक विजय
अंडर-19 आशिया कपच्या फायनलमध्ये टीम इंडियाने रोमहर्षक विजय मिळवित पाकिस्तानचा धुव्वा उडविला आहे. कर्णधार लक्ष्य राजेश रायचंदानी याची दमदार 80 धावांची खेळी, दुखापतग्रस्त असूनही सलामीवीर आर्यवीर सेहवान यांच्या संयमित 58 धावा, अखेरच्या षटकांमध्ये मनाल चौहान आणि मोहित उल्वा यांची निर्णायक भागीदारीच्या जोरावर भारताच्या युवा संघाने पाकिस्तानने विजयासाठी दिलेले 338 धावांचे महाविशाल लक्ष्याच्या अचूक पाठलाग करत विजय अक्षरक्ष खेचून आणला. तसेच ट्रॉफीवर आपले नाव कोरले. या सामन्यात मोहित उल्वाने शेवटच्या चेंडूवर चौकार मारत भारताच्या विजयावर शिक्कामोर्तब केले.
पाकिस्तानचे 337 धावांचे मोठे आव्हान
पाकिस्तानने नाणेफेक जिंकून प्रथम फलंदाजी करण्याचा निर्णय घेतला. 50 षटकांत 9 गडी गमावून पाकिस्तानने 337 धावांचा डोंगर उभा केला. पाकिस्तानकडून सलामीवीर उस्मान खानने धमाकेदार शतक (107 धावा) झळकावले, तर अब्दुल कादिर (80 धावा) आणि कर्णधार फरहान युसूफ (63 धावा) यांनी अर्धशतके झळकावली.
एक वेळ पाकिस्तानची धावसंख्या 400 च्या दिशेने जात असल्याचे दिसत होते; मात्र भारतीय गोलंदाजांनी शेवटच्या षटकांत जोरदार पुनरागमन करत पाकिस्तानी फलंदाजांना नियमित अंतराने बाद केले. पाकिस्तानकडून उस्मान (107), कादिर (80), युसूफ (63) यांच्याशिवाय हयाम (21), अहमद हुसेन (17), निकाब शफीक (11), हमझा जहूर (10) आणि मोहम्मद सायम याने 7 धावा काढल्या. भारताकडून गोलंदाजीत काव्या पटेलने सर्वाधिक 4 गडी बाद केले, तर व्यंकटने 3 आणि अर्जुन राजपूतने 1 बळी घेतला.
शेवटच्या षटकात थरारक विजय
पाकिस्तानने दिलेल्या 338 धावांच्या आव्हानाचा पाठलाग करताना भारतीय संघाने दाखवलेले लढाऊ यश कौतुकास्पद ठरले. कर्णधार लक्ष्य राजेश रायचंदानी यांनी अत्यंत दमदार 80 धावांची आक्रमक खेळी केली. विशेष म्हणजे, सलामीवीर आर्यवीर सेहवान दुखापतग्रस्त असतानाही मैदानात उतरला आणि त्याने अत्यंत संयमित 58 धावांची महत्त्वपूर्ण खेळी साकारली.
भारताला विजयासाठी शेवटच्या षटकात आठ धावांची आवश्यकता होती. 49 षटकांच्या अखेरीस, भारताने नऊ गडी गमावून 330 धावा केल्या होत्या. मोहित उल्वा आणि चिगुरुपती यांच्यावर सर्व मदार होती. शेवटच्या चेंडूवर भारतास विजयासाठी 3 धावांची गरज होती. अखेर स्ट्राईकवर असणार्या मोहित उल्वाने दमदार चौकार फटकावत भारताच्या विजयावर शिक्कामोर्तब केले.
व्हाट्सअप ग्रुप जॉइनिंगसाठी क्लिक करा -
https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4
जाहिरातीसाठी संपर्क - 7620878766
विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.










