सनी देओल व अक्षय खन्नाच्या ‘इक्का’पेक्षाही अधिक रंजक आहे ४ सीझन असलेली ‘ही’ कोर्टरूम ड्रामा सीरिज; रहस्य, थरार अन् कोर्टातील जबरदस्त लढाई

मुंबई (प्रतिनिधी) –कोर्टरूम ड्रामा हा सिनेमा विश्वातील नेहमीच लोकप्रिय आणि रंजक प्रकार मानला जातो. या विषयावर आधारित अनेक चित्रपट आणि वेब सीरिज आतापर्यंत प्रेक्षकांच्या भेटीला आले आहेत. नुकताच सनी देओल आणि अक्षय खन्ना यांचा ‘इक्का’ (IKKA) हा चित्रपट ओटीटी प्लॅटफॉर्म नेटफ्लिक्सवर प्रदर्शित झाला असून, त्यातील कोर्टरूम ड्रामामुळे तो सध्या चर्चेत आहे.

अक्षय खन्नाने साकारलेला खलनायक शौर्यमान गौर प्रेक्षकांना भावला असला, तरी ‘इक्का’च्या कथेत अपेक्षित रहस्य आणि थराराचा अभाव जाणवतो. मात्र, सनी देओल आणि अक्षय खन्ना या दोन कलाकारांची पडद्यावरील जुगलबंदी त्यांच्या चाहत्यांसाठी नक्कीच पर्वणी ठरते. यामुळेसुद्धा ‘इक्का’ या चित्रपटाची चर्चा रंगली. परंतु, जर तुम्ही हा चित्रपट पाहिला असेल आणि पुन्हा याच धाटनीची कलाकृती पाहायची असेल किंवा यापेक्षाही अधिक रंजक आणि थरारक कलाकृती पाहायची असेल तर गेल्या सात वर्षांपासून ओटीटीवरील चर्चेत असलेली ही कोर्टरूम ड्रामा वेब सीरिज चांगला पर्याय ठरू शकतो.

इक्कानंतर ही सीरिज नक्की पाहा

सनी देओलच्या ‘इक्का’ चित्रपटाला प्रेक्षकांचा आणि समीक्षकांकडून संमिश्र प्रतिसाद मिळाला आहे. काहींनी कौतुक केलंय तर काहींनी अपेक्षित रंजकता नसल्याचंही म्हटलं जात आहे. त्यामुळे ‘इक्का’ पाहून तुमचीही निराशा झाली असेल, तर घरी बसून ओटीटीवर ‘क्रिमिनल जस्टिस’ ही कोर्टरूम ड्रामा वेब सीरिज नक्की पाहू शकता. गेल्या अनेक वर्षांपासून ही सीरिज प्रेक्षकांची आवडती ठरली आहे.

२०१९ मध्ये पंकज त्रिपाठी यांच्या ‘क्रिमिनल जस्टिस’ या वेब सीरिजचा पहिला सीझन प्रदर्शित झाला होता. या सीझनमध्ये विक्रांत मॅस्सी आणि जॅकी श्रॉफ यांच्याही महत्त्वाच्या भूमिका होत्या. त्यानंतर गेल्या सात वर्षांत या सीरिजचे एकूण चार सीझन प्रदर्शित झाले असून, ते जिओ हॉटस्टारवर पाहण्यासाठी उपलब्ध आहेत. या चारही सीझनमध्ये पंकज त्रिपाठी यांनी प्रमुख भूमिका साकारली आहे.

२०१९ पासून आतापर्यंत ‘क्रिमिनल जस्टिस’ ही कोर्टरूम ड्रामा जॉनरमधील हिंदीतील सर्वोत्तम वेब सीरिजपैकी एक मानली जाते. या सीरिजच्या चारही सीझनमध्ये गुन्हेगारी संबंधित वेगवेगळ्या केस हाताळण्यात आल्या आहेत. प्रत्येक सीझनमध्ये सस्पेन्स, थरार आणि कोर्टातील नाट्यमय घडामोडी पाहायला मिळतात. ‘क्रिमिनल जस्टिस’च्या लोकप्रियतेचा अंदाज यावरून येतो की, आयएमडीबीवर या कोर्टरूम ड्रामा वेब सीरिज फ्रँचायझीला एकूण ७ पेक्षा जास्त रेटिंग मिळाले आहे. त्यामुळे ही खरोखरच दर्जेदार आणि प्रेक्षकांच्या पसंतीस उतरलेली सीरिज असल्याचं स्पष्ट झालं आहे.