वृत्तसेवा- ऑगस्ट 2026 महिन्यात बँकेशी संबंधित महत्त्वाची कामे असलेल्या ग्राहकांसाठी ही अत्यंत महत्त्वाची माहिती आहे. जुलै महिना संपत असताना ऑगस्टमध्ये विविध सण, जयंती, स्थानिक उत्सव, रविवार आणि चौथा शनिवार यामुळे देशभरातील बँकांना एकूण 14 दिवस सुट्ट्या असणार आहेत. त्यामुळे चेक क्लिअरन्स, रोख व्यवहार, डिमांड ड्राफ्ट, पासबुक अपडेट, लॉकर सेवा किंवा शाखेत जाऊन करावयाची इतर कामे असल्यास त्याचे नियोजन आधीच करणे आवश्यक आहे.
भारतीय रिझर्व्ह बँकेच्या (RBI) सुट्ट्यांच्या कॅलेंडरनुसार या सुट्ट्या सर्व राज्यांमध्ये सारख्या नसतात. काही सुट्ट्या विशिष्ट राज्ये किंवा शहरांपुरत्याच लागू असतात. त्यामुळे ग्राहकांनी आपल्या शहरातील बँकेच्या सुट्ट्यांची खात्री करूनच शाखेला भेट द्यावी.
ऑगस्ट 2026 मधील बँक सुट्ट्यांची यादी :-
2 ऑगस्ट (रविवार) – साप्ताहिक सुट्टी
4 ऑगस्ट – केर पूजा (अगरतळा)
8 ऑगस्ट – तेंदोंग ल्हो रुम फात (गंगटोक)
9 ऑगस्ट (रविवार) – साप्ताहिक सुट्टी
13 ऑगस्ट – पॅट्रियट्स डे (इम्फाळ)
15 ऑगस्ट – स्वातंत्र्यदिन (देशभर सार्वजनिक सुट्टी)
16 ऑगस्ट (रविवार) – साप्ताहिक सुट्टी
19 ऑगस्ट – महाराजा बीर बिक्रम किशोर माणिक्य बहादूर जयंती (अगरतळा)
22 ऑगस्ट – चौथा शनिवार
23 ऑगस्ट (रविवार) – साप्ताहिक सुट्टी
25 ऑगस्ट – ओणम व मिलाद-उन-नबी (कोची, तिरुवनंतपुरम, विजयवाडा)
26 ऑगस्ट – ईद-ए-मिलाद (बारावफात), मिलाद-उन-नबी आणि तिरुओणम निमित्त मुंबई, नवी दिल्ली, नागपूर, बेलापूर, बेंगळुरू, चेन्नई, हैदराबाद, लखनऊ, कानपूर, भोपाल, पटना, रायपूर, रांची, श्रीनगर, कोची, तिरुवनंतपुरम, देहरादून, जम्मू, इम्फाळसह अनेक शहरांमध्ये बँका बंद.
28 ऑगस्ट – रक्षाबंधन, पांग-ल्हाबसोल, श्री नारायण गुरु जयंती आणि अय्यनकली जयंती (अहमदाबाद, भोपाल, देहरादून, गंगटोक, जयपूर, जम्मू, कानपूर, कोची, लखनऊ, शिमला, श्रीनगर, तिरुवनंतपुरम)
30 ऑगस्ट (रविवार) – साप्ताहिक सुट्टी
ऑनलाइन सेवा मात्र सुरूच
बँकांच्या शाखा बंद असल्या तरी ग्राहकांना इंटरनेट बँकिंग, मोबाईल बँकिंग, UPI, एटीएम, NEFT, RTGS, IMPS तसेच डेबिट आणि क्रेडिट कार्डद्वारे व्यवहार करण्याची सुविधा नेहमीप्रमाणे उपलब्ध राहणार आहे. त्यामुळे बहुतांश आर्थिक व्यवहार घरबसल्या पूर्ण करता येतील.
ग्राहकांसाठी महत्त्वाचा सल्ला
ऑगस्ट महिन्यातील सलग सुट्ट्यांमुळे काही शाखांमध्ये कामकाजावर परिणाम होण्याची शक्यता आहे. त्यामुळे रोख रक्कम काढणे, चेक जमा करणे, कर्जाशी संबंधित कागदपत्रे, लॉकर सेवा किंवा इतर महत्त्वाची बँकिंग कामे सुट्ट्यांपूर्वीच पूर्ण करावीत. तसेच आपल्या शहरातील बँकेची सुट्टी निश्चित करूनच शाखेला भेट दिल्यास अनावश्यक गैरसोय टाळता येईल.
व्हाट्सअप ग्रुप जॉइनिंगसाठी क्लिक करा -
https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4
जाहिरातीसाठी संपर्क - 7620878766
विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.
