पुरूषांमध्ये का वाढतोय प्रोस्टेट कॅन्सर? ‘ही’ लक्षणे व संकेत अजिबात दुर्लक्ष करु नका, अन्यथा जीवावर बेतू शकतं
कर्करोग पुरुषांमधील प्रोस्टेट ग्रंथीवर परिणाम करतो. प्रोस्टेट ही अक्रोडच्या आकाराची एक ग्रंथी असून, ती पुरुष प्रजनन संस्थेचा एक भाग आहे. ५० वर्षांपेक्षा जास्त वयाच्या पुरुषांमध्ये प्रोस्टेट कर्करोगाचा धोका अधिक असतो.
विशेष म्हणजे, सुरुवातीच्या टप्प्यावर प्रोस्टेट कर्करोगाची कोणतीही स्पष्ट लक्षणे किंवा धोक्याचे संकेत सहसा दिसून येत नाहीत. मात्र, प्रोस्टेटशी संबंधित काही समस्या अशा असतात, ज्यांकडे लक्ष दिल्यास आणि वैद्यकीय तपासणी करून घेतल्यास, प्रोस्टेट कर्करोगाचे वेळेत निदान होऊ शकते. प्रोस्टेट कर्करोगाची लक्षणे आणि तो कसा ओळखला जाऊ शकतो, याबद्दलची माहिती युनायटेड किंग्डमच्या ‘नॅशनल हेल्थ सर्व्हिस’ (NHS)कडून जाणून घेऊ…
प्रोस्टेट कर्करोगाची लक्षणे काय?
प्रोस्टेट कर्करोग सामान्यतः प्रोस्टेटच्या बाहेरील भागात सुरू होतो. याचा अर्थ असा की, जोपर्यंत गाठ इतकी मोठी होत नाही की, ती मूत्राशयातून लघवी वाहून नेणाऱ्या नळीवर दबाव टाकू लागेल, तोपर्यंत अनेकदा लक्षणे लक्षात येत नाहीत. या कर्करोगाची लक्षणे खालीलप्रमाणे :
*लघवी सुरू करण्यास अडचण येणे
लघवीची धार छोटी असणे
*लघवी खंडित होणे (लघवी सुरू होणे आणि मधेच थांबणे)
*अचानक किंवा वारंवार लघवीला जाण्याची तीव्र इच्छा होणे
*लघवी करून आल्यानंतरही पुन्हा लघवीला जाण्याची गरज वाटणे
*रात्रीच्या वेळी वारंवार लघवीला होणे.
ही लक्षणेदेखील दिसून येऊ शकतात…
*लिंग ताठरता मिळवण्यात किंवा टिकवून ठेवण्यात अडचण येणे (इरेक्टाइल डिस्फंक्शन),
*लघवी किंवा वीर्यामध्ये रक्त येणे,
*कंबरेच्या खालच्या भागात वेदना होणे किंवा विनाकारण वजन कमी होणे, ही प्रगत प्रोस्टेट कर्करोगाची लक्षणे असू शकतात.
हे लक्षात घेणे महत्त्वाचे आहे की, ही लक्षणे म्हणजे नेहमीच प्रोस्टेट कर्करोग असतो असे नाही; ती प्रोस्टेटच्या इतर सामान्य, कर्करोग नसलेल्या समस्यांमुळेही उद्भवू शकतात. त्यामुळे डॉक्टरांकडून तपासणी करून घेणे आवश्यक आहे आणि घाबरून जाण्याचे काहीही कारण नाही.
प्रोस्टेट कर्करोगावर उपचार कसे केले जातात?
प्रोस्टेट कर्करोगावरील उपचार हे गाठीचा आकार आणि ती किती प्रमाणात पसरली आहे, यावर अवलंबून असतात. उपचारांच्या पर्यायांमध्ये शस्त्रक्रिया, रेडिओथेरपी, हार्मोन थेरपी, केमोथेरपी इत्यादींचा समावेश होतो. संपूर्ण उपचार प्रक्रियेदरम्यान डॉक्टरांची एक टीम रुग्णावर लक्ष ठेवते आणि नियमित तपासणी करते.
शस्त्रक्रिया – प्रोस्टेट कर्करोगाच्या बाबतीत, शस्त्रक्रियेद्वारे प्रोस्टेट ग्रंथी काढून टाकली जाऊ शकते. या प्रक्रियेत काही धोके असू शकतात, ज्यामध्ये लघवीशी संबंधित समस्या किंवा लैंगिक क्षमतेवर (इरेक्टाइल डिस्फंक्शन) परिणाम होण्याचा समावेश असू शकतो.
व्हाट्सअप ग्रुप जॉइनिंगसाठी क्लिक करा -
https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4
जाहिरातीसाठी संपर्क - 7620878766
विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.
