ॲपलचा मोठा धमाका! मार्केटमध्ये पहिला फोल्डेबल आयफोन ड्युओ लाँच; भारतात किंमत किती? ऐकून थक्क व्हाल

ॲपलने आपल्या फोल्डेबल iPhone Duo ची पहिली अधिकृत झलक दाखवली आहे. या फोनमध्ये पातळ टायटॅनियम डिझाइनसोबत दोन डिस्प्लेसाठी खास तयार केलेले सॉफ्टवेअर देण्यात आले आहे. दोन्ही स्क्रीनवर एकसारखे आस्पेक्ट रेशो असल्याने बाहेरील आणि आतील डिस्प्लेमध्ये कंटेंट सहजपणे बदलता येतो.

फोनमध्ये डिस्प्लेच्या खाली FaceTime कॅमेरा देण्यात आला आहे. तसेच नवीन Variable-Torque Hinge मुळे फोन उघडल्यानंतर आतील स्क्रीन सपाट राहते आणि चुंबकांच्या मदतीने तो सहज बंद करता येतो. फोनची फ्रेम एरोस्पेस-ग्रेड टायटॅनियमची असून त्यावर पॉलिश्ड फिनिश देण्यात आली आहे.

या फोल्डेबल फोनसाठी iOS 27 मध्येही विशेष बदल करण्यात आले आहेत. स्क्रीनवरील कंट्रोल्स अंगठ्याच्या सहज आवाक्यात ठेवण्यात आले असून, होम स्क्रीन डॉक उभा करण्यात आला आहे. मोठ्या डिस्प्लेचा फायदा घेत एकाच वेळी दोन होम स्क्रीन पेजेस पाहता येतील. मेल आणि मेसेजेसमध्येही अधिक माहिती एकाच वेळी पाहता येणार आहे.

हा फोन ‘स्टार व्हाईट’आणि ‘नाईट स्काय’ या दोन प्रीमियम शेड्समध्ये खरेदी करता येईल. जागतिक स्तरावर हा स्मार्टफोन केवळ eSIM सपोर्टसह उपलब्ध असेल. यामध्ये फिजिकल सिम कार्डसाठी कोणताही स्लॉट दिलेला नाही. डिव्हाइसच्या दोन्ही भागांमध्ये स्वतंत्र अशा दोन वेगवेगळ्या बॅटरी बसवण्यात आल्या आहेत. यामुळे फोनच्या दोन्ही बाजूंना उत्तम पॉवर सप्लाय आणि योग्य शारीरिक संतुलन राखण्यास मदत होते.

७.६-इंचांचा इनर डिस्प्ले:

फोन उघडल्यावर यात ७.६ इंचांचा सुपर रेटिना XDR फोल्डेबल डिस्प्ले मिळतो. हा डिस्प्ले iPhone 18 Pro Max पेक्षा ५०% आणि iPhone 18 Pro पेक्षा ८०% मोठा आहे.५.४-इंचांचा आउटर डिस्प्ले: फोन बंद असताना बाहेरील बाजूस ५.४ इंचांचा कव्हर डिस्प्ले देण्यात आला आहे, जो iPhone 18 Pro च्या स्क्रीन एरियाच्या ९०% एवढा भाग व्यापतो.

प्रोसेसर, कॅमेरा आणि बॅटरी

यामध्ये ॲपलचा नवा अत्याधुनिक आणि अतिवेगवान A20 Pro चिपसेट देण्यात आला आहे.कॅमेरा: फोनमध्ये ड्युएल ४८ मेगापिक्सल रिअर कॅमेरा सिस्टीम (मेन लेन्स आणि अल्ट्रा-वाइड लेन्स) मिळेल. यात स्वतंत्र टेलिफोटो लेन्स देण्यात आलेली नाही. मोठ्या स्क्रीनला दीर्घकाळ ऊर्जा पुरवण्यासाठी यात ५,४००mAh क्षमतेची दमदार बॅटरी बसवण्यात आली आहे.

iPhone Duo फोल्डेबल किंमत

२५६GB (बेस मॉडेल): $2,000 (सुमारे ₹१,६७,००० हून अधिक – आंतरराष्ट्रीय किंमत)

२TB (टॉप व्हेरिएंट): $3,000 पर्यंत (सुमारे ₹२,५०,००० हून अधिक)

iPhone 18 Pro आणि iPhone 18 Pro Max किंमत आणि उपलब्धता

iPhone 18 Pro च्या 256GB बेस व्हेरियंटची किंमत 1,199 (अंदाजे 1,14,000 रुपये) ठेवण्यात आली आहे. तर, iPhone 18 Pro Max च्या 256GB स्टोरेज मॉडेलची सुरुवातीची किंमत 1,299 (अंदाजे 1,23,000 रुपये) आहे.

भारतामध्ये, iPhone 18 Pro ची सुरुवातीची किंमत 1,64,900 रुपये आणि iPhone 18 Pro Max ची सुरुवातीची किंमत 1,79,900 रुपये ठेवण्यात आली आहे. ही किंमत या दोन्ही मॉडेल्सच्या 256GB बेस स्टोरेज व्हेरियंटसाठी आहे. याशिवाय, हे दोन्ही फोन्स 512GB, 1TB आणि 2TB स्टोरेज क्षमतेमध्ये (व्हेरियंट्स) देखील उपलब्ध करून देण्यात आले आहेत.