हिरवे शिवार समृद्धीचे द्वार, हिरवे शिवार समृद्धीचे द्वार

दुष्काळावर मात करण्यासाठी शेतकऱ्यांनी शेतकऱ्यांना दिलेली साथ !

जळगाव केशवस्मृती प्रतिष्ठान, यांच्या वतीने ‘हिरवे शिवार समृद्धीचे द्वार’ हा उपक्रम दुष्काळावर मात करण्याच्या उद्देशाने राबविण्यात येत आहे. प्रत्येक शेतकरी कुटुंब समाधानी आणि आर्थिकदृष्ट्या सक्षम असावे, कोणत्याही शेतकरी कुटुंबावर कर्जाच्या सावटाखाली जीवन जगण्याची वेळ येऊ नये आणि प्रत्येकाचे जीवन सुखकर व्हावे, हा केशवस्मृती प्रतिष्ठानचा प्रामाणिक प्रयत्न आहे.

गेल्या दोन वर्षांपासून नाला खोलीकरणाच्या माध्यमातून जळगाव तालुक्यातील जळके व विटनेर, तसेच जामनेर तालुक्यातील रोटवद, नांद्रा-नाचनखेडा आणि सामरोद-तिघे आदी गावांमध्ये विविध प्रकल्प राबविण्यात आले. या कामांना १०० टक्के यश मिळाले असून, संबंधित गावांमधील विहिरी व बोअरवेलच्या पाण्याच्या पातळीत मोठ्या प्रमाणात वाढ झाली आहे.

आज मात्र दुष्काळी परिस्थिती गंभीर आहे. यंदाचे खरीप पीक अनेक शेतकऱ्यांच्या हातात आलेले नाही. अशा कठीण परिस्थितीत ‘शेतकऱ्यांनी शेतकऱ्यांसाठी’ ही भावना जपणे ही काळाची गरज आहे. ज्या शेतकऱ्यांच्या शेतात विहीर किंवा बोअरवेलमध्ये पाणी उपलब्ध आहे, त्यांनी आपल्या शेजारील पाण्याची उपलब्धत्ता नसलेल्या कोरडवाहू शेतकरी बांधवांना मानवतेच्या भावनेतून सहकार्य करावे.

आपापसातील चालीरीती, परस्पर सामंजस्य आणि गावपातळीवरील सलोखा जपत, कोणतेही तंटे किंवा वाद न करता, आपल्या शेतातील उपलब्ध अतिरिक्त पाण्याचा केशवस्मृती प्रतिष्ठानचा उपक्रम काही भाग गरजू शेतकऱ्यांना उपलब्ध करून द्यावा.

या माध्यमातून कमीत कमी पाण्यात येणाऱ्या पिकांची लागवड करण्यास सहकार्य करता येईल. उदा. हरभरा, ज्वारी (दादर) यांसारख्या पिकांना आवश्यक तेवढे पाणी उपलब्ध करून देता येईल. आज आपण घेतलेला हा छोटासा पुढाकार उद्या अनेक शेतकरी कुटुंबांच्या जीवनात आशेचा किरण निर्माण करू शकतो. ‘शेतकऱ्यांकडून समृद्धी, घराघरात समृद्धी’ हे ब्रीद प्रत्यक्षात आणण्यासाठी आपण सर्वांनी एकत्र येऊया. चला, दुष्काळाशी लढ्या एकमेकांना साथ देऊया ! ज्या शेतकरी बांधवांनी या उपक्रमात सहभागी होऊन गरजू शेतकऱ्यांना पाण्याचे सहकार्य केले, त्यांचा केशवस्मृती प्रतिष्ठानतर्फे यथोचित सन्मान व गौरव करण्यात येईल. आपले थोडेसे पाणी एखाद्या शेतकऱ्याच्या शेतात हिरवाई आणू शकते.

आपली थोडीशी मदत एखाद्या कुटुंबाच्या जीवनात समृद्धी आणू शकते. चला, मानवतेच्या भावनेतून शेतकऱ्यांच्या मदतीला धावून जाऊया !

-डॉ. भरत अमळकर- अध्यक्ष , केशवस्मृती प्रतिष्ठान, जळगाव. 

– दिलीप चोपडा सचिव- केशवस्मृती प्रतिष्ठान, जळगाव. 

– शिवाजीराव भोईटे – जलनायक सह-प्रकल्पप्रमुख समग्र कृषी ग्रामीण विकास प्रकल्प । राज्य संघटक अधिकारी महासंघ

व्हाट्सअप ग्रुप जॉइनिंगसाठी क्लिक करा -

https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4

जाहिरातीसाठी संपर्क - 7620878766

विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.