जळगाव जिल्हा बॅडमिंटन असोसिएशन सचिव विनीत जोशी यांची महाराष्ट्र राज्य बॅडमिंटन असोसिएशनच्या कार्यकारणी सदस्यपदी सलग दुसऱ्यांदा निवड
महाराष्ट्र बॅडमिंटन असोसिएशनची ८४ वी वार्षिक सर्वसाधारण सभा नुकतीच नागपूर येथे पार पडली. या सभेत झालेल्या निवडणुकीत विनीत जोशी यांची महाराष्ट्र बॅडमिंटन असोसिएशनच्या कार्यकारिणी सदस्यपदी सलग दुसऱ्यांदा निवड झाली.
या अनुषंगाने महाराष्ट्र बॅडमिंटन महासंघाने विश्वास दाखवून पुन्हा एकदा राज्याच्या कार्यकारिणीवर काम करण्याची त्यांना संधी दिल्याबद्दल त्यांनी महाराष्ट्र बॅडमिंटन असोसिएशनच्या सर्व पदाधिकारी व सदस्यांचे मनःपूर्वक आभार मानले आहेत.
या निवडणुकीत असोसिएशनच्या अध्यक्षपदी नागपूरचे अरुण लखानी, डेप्युटी प्रेसिडेंटपदी शिरीष बोराळकर, वरिष्ठ उपाध्यक्षपदी मंगेश काशिकर (नागपूर), सचिवपदी सिद्धार्थ पाटील (छत्रपती संभाजीनगर), तर मानद खजिनदारपदी जगदीश जोशी यांची निवड झाली आहे. नवनिर्वाचित सर्व पदाधिकाऱ्यांचे त्यांनी मनःपूर्वक अभिनंदन केले. नवनिर्वाचित पदाधिकाऱ्यांच्या नेतृत्वाखाली महाराष्ट्रातील बॅडमिंटनच्या विकासाला आणखी चालना मिळेल, असा मला विश्वास आहे असे मत त्यांनी मांडले.जळगाव जिल्हा बॅडमिंटन असोसिएशनच्या माध्यमातून गेल्या अनेक वर्षांपासून जिल्ह्यात बॅडमिंटनच्या विकासासाठी काम करण्याची संधी त्यांना मिळत आहे. जिल्ह्यातील खेळाडूंना अधिकाधिक स्पर्धांचे व्यासपीठ उपलब्ध करून देणे, विविध स्पर्धांचे आयोजन करणे, खेळाडू व प्रशिक्षकांना प्रोत्साहन देणे तसेच ग्रामीण आणि शहरी भागातील अधिकाधिक खेळाडूंना बॅडमिंटनशी जोडणे यासाठी सातत्याने त्यांचे प्रयत्न सुरू आहेत.
महाराष्ट्र बॅडमिंटन असोसिएशनच्या कार्यकारिणीवर सलग दुसऱ्यांदा मिळालेली संधी ही केवळ माझ्या कामाची दखल नसून जळगाव जिल्हा बॅडमिंटन असोसिएशनचे अध्यक्ष अतुल जैन, पदाधिकारी, प्रशिक्षक, खेळाडू आणि क्रीडाप्रेमी यांच्या सहकार्याचा आणि विश्वासाचा सन्मान आहे, असे ते म्हणाले.
राज्याच्या कार्यकारिणीवर काम करताना जळगाव जिल्ह्याचे प्रतिनिधित्व अधिक प्रभावीपणे करण्यासोबतच संपूर्ण महाराष्ट्रातील बॅडमिंटनच्या विकासासाठी सकारात्मक योगदान देण्याचा माझा प्रयत्न राहील. विशेषतः जळगाव जिल्ह्यातील खेळाडूंना राज्य व राष्ट्रीय स्तरावर अधिक चांगल्या संधी मिळाव्यात, त्यांच्यासाठी दर्जेदार स्पर्धांचे आयोजन व्हावे आणि ग्रामीण भागातील गुणवंत खेळाडूंना योग्य व्यासपीठ मिळावे, यासाठी अधिक प्रयत्न करण्याचा त्यांचा मानस आहे.
जळगाव जिल्हा बॅडमिंटन असोसिएशनचे अध्यक्ष अतुल जैन यांनी त्यांच्या निवडीबद्दल अभिनंदन करून पुढील कार्यासाठी शुभेच्छा दिल्या. अतुल भाऊंच्या मार्गदर्शनामुळे तसेच जिल्ह्यातील पदाधिकारी, प्रशिक्षक, खेळाडू आणि क्रीडाप्रेमींच्या सहकार्यामुळे जळगावच्या बॅडमिंटन क्षेत्रात विविध उपक्रम राबविणे शक्य झाले आहे. यापुढेही सर्वांच्या सहकार्याने जळगावच्या बॅडमिंटनला राज्याच्या नकाशावर अधिक भक्कमपणे पुढे नेण्याचा प्रयत्न राहील असेही ते म्हणाले.
माझ्या निवडीबद्दल प्रत्यक्ष-अप्रत्यक्षपणे शुभेच्छा देणाऱ्या सर्वांचे मी मनःपूर्वक आभार मानतो. ही निवड माझ्यासाठी केवळ सन्मान नसून एक मोठी जबाबदारी आहे. महाराष्ट्रातील बॅडमिंटनच्या सर्वांगीण विकासासाठी ही जबाबदारी प्रामाणिकपणे आणि सकारात्मक दृष्टिकोनातून पार पाडण्याचा मी पूर्ण प्रयत्न करेन असे त्यांनी दैनिक मार्केट स्पेशलशी बोलतांना सांगितले.
व्हाट्सअप ग्रुप जॉइनिंगसाठी क्लिक करा -
https://chat.whatsapp.com/BpTuswQo5JaGl3dMcIcFlK?s=cl&p=a&mlu=4&ilr=4
जाहिरातीसाठी संपर्क - 7620878766
विशेष टीप - बातमीतील जाहिरातीवर टॅप करून Preview Image हा पर्याय निवडा. त्यामुळे जाहिरात पूर्ण स्वरूपात उघडेल व आपणास प्रतिसाद देणे सोपे होईल.
