सरकारी नोकरीचे स्वप्न पूर्ण होणार! IBPS RRB मध्ये तब्बल १३ हजार पदांसाठी भरती जाहीर

सरकारी नोकरीचे स्वप्न पूर्ण होणार! IBPS RRB मध्ये तब्बल १३ हजार पदांसाठी भरती जाहीर; पगार, पात्रता अन् अर्ज करण्याची सोपी पद्धत एका क्लिकवर!

BPS RRB Recruitment 2026 : इन्स्टिट्यूट ऑफ बँकिंग पर्सनल सिलेक्शन (IBPS) ने प्रादेशिक ग्रामीण बँकांमधील (RRBs) सामायिक भरती प्रक्रियेसाठी (CRP-RRBs XV) नोंदणी सुरू केली आहे. गट ‘अ’ (अधिकारी) आणि गट ‘ब’ (कार्यालय सहाय्यक) पदांसाठी अर्ज करू इच्छिणारे उमेदवार IBPS च्या अधिकृत संकेतस्थळावरून (ibps.in) अर्ज सादर करू शकतात.

ऑनलाइन नोंदणी प्रक्रिया १ सप्टेंबर २०२६ पासून सुरू झाली असून अर्ज करण्याची व शुल्क भरण्याची अंतिम तारीख २१ सप्टेंबर २०२६ आहे. ही भरती मोहीम कार्यालय सहाय्यक (Office Assistant), अधिकारी स्केल-I, अधिकारी स्केल-II आणि अधिकारी स्केल-III या विविध पदांसाठी राबवली जात आहे.

रिक्त पदांचा तपशील (Vacancy Details)

या भरती प्रक्रियेद्वारे एकूण १३,४४१ रिक्त जागा भरल्या जाणार आहेत. पदनिहाय रिक्त पदांचा तपशील खालीलप्रमाणे आहे:

*कार्यालय सहाय्यक (Office Assistant): ७,९९३

*अधिकारी स्केल-I (Officer Scale-I): ४,२५६

*अधिकारी स्केल-II (जनरल बँकिंग): ६६६

*अधिकारी स्केल-II (आयटी): ७९

*अधिकारी स्केल-II (सीए): ९९

*अधिकारी स्केल-II (कायदा): ४८

*अधिकारी स्केल-II (ट्रेझरी मॅनेजर): १८

*अधिकारी स्केल-II (मार्केटिंग ऑफिसर): १६

*अधिकारी स्केल-II (कृषी अधिकारी): ४८

*अधिकारी स्केल-III (Officer Scale-III): २२०

*एकूण पदसंख्या: १३,४४१

पात्रता आणि वयोमर्यादा (Eligibility and Age Limit)

अर्ज करणाऱ्या उमेदवारांनी विहित वयोमर्यादेचे निकष पूर्ण करणे आवश्यक आहे:

गट ‘ब’ (कार्यालय सहाय्यक): वय १८ ते २८ वर्षे.

अधिकारी स्केल-I: वय १८ ते ३० वर्षे.

अधिकारी स्केल-II: वय २१ ते ३२ वर्षे.

अधिकारी स्केल-III: वय २१ ते ४० वर्षे.

(टीप: राखीव प्रवर्गातील उमेदवारांसाठी नियमानुसार वयोमर्यादेत सवलत लागू असेल. पदनिहाय शैक्षणिक पात्रतेच्या सविस्तर माहितीसाठी उमेदवारांनी अधिकृत अधिसूचना वाचावी.)

अर्ज शुल्क (Application Fee)

* अनुसूचित जाती (SC), अनुसूचित जमाती (ST) आणि दिव्यांग (PwBD) उमेदवार: ₹१७५/-

* इतर सर्व उमेदवार: ₹८५०/-

* अर्ज शुल्क केवळ ऑनलाइन माध्यमातूनच स्वीकारले जाईल.

महत्त्वाच्या तारखा (Important Dates)

IBPS RRB भरती २०२६ साठीची संक्षिप्त अधिसूचना ३१ ऑगस्ट २०२६ रोजी प्रसिद्ध करण्यात आली असून, ऑनलाइन नोंदणी व शुल्क भरण्याची प्रक्रिया १ सप्टेंबर २०२६ पासून सुरू झाली आहे. अर्ज करण्याची अंतिम मुदत २१ सप्टेंबर २०२६ पर्यंत आहे. अर्जातील दुरुस्तीसाठी मिळणाऱ्या मुदतीबाबत (Correction Window) अधिकृत माहिती नंतर जाहीर केली जाईल.

सर्व पदांसाठी पूर्व-परीक्षा प्रशिक्षण (PET) नोव्हेंबर २०२६ मध्ये आयोजित केले जाईल.

परीक्षांच्या वेळापत्रकानुसार, अधिकारी स्केल-I साठी प्राथमिक परीक्षा २१ आणि २२ नोव्हेंबर २०२६ रोजी होईल, तर मुख्य परीक्षा २० डिसेंबर २०२६ रोजी पार पडेल.

कार्यालय सहाय्यक (Office Assistant) पदासाठी प्राथमिक परीक्षा ६, १२ आणि १३ डिसेंबर २०२६ रोजी घेण्यात येईल आणि तिची मुख्य परीक्षा ३० जानेवारी २०२७ रोजी आयोजित केली जाईल.

अधिकारी स्केल-II आणि III साठी कोणतीही प्राथमिक परीक्षा नसून, थेट ‘एकल परीक्षा’ (Single Exam) २० डिसेंबर २०२६ रोजी घेतली जाईल.

अर्ज कसा करावा? (How to Apply)

IBPS च्या ibps.in या अधिकृत संकेतस्थळाला भेट द्या.

* मुख्य पेजवरील ‘CRP-RRBs XV’ भरती लिंकवर क्लिक करा.

*संबंधित पदाच्या (Office Assistant / Officer Scale-I/II/III) अर्जाची लिंक निवडा.

*‘New Registration’ वर क्लिक करून आवश्यक प्राथमिक माहिती भरा.

*नोंदणी पूर्ण झाल्यानंतर प्राप्त झालेला नोंदणी क्रमांक (Registration No.) आणि पासवर्ड नोंदवून ठेवा.

*खात्यात लॉगिन करून संपूर्ण अर्ज काळजीपूर्वक भरा.

*पासपोर्ट साईज फोटो, स्वाक्षरी व आवश्यक कागदपत्रे विहित आकारात अपलोड करा.

*भरलेली माहिती तपासून पाहण्यासाठी ‘Preview’ पर्यायाचा वापर करा.

*ऑनलाइन प्रणालीद्वारे अर्ज शुल्क जमा करा.

*अर्ज सादर (Submit) केल्यानंतर खात्री करण्यासाठी पेजची (Confirmation Page) प्रिंट काढून ठेवा.

अर्ज करण्यासाठी थेट लिंक – https://ibpsreg.ibps.in/rrbxvaug26/

(टीप: उमेदवारांनी अर्ज सादर करण्यापूर्वी अधिकृत जाहिरात सविस्तर वाचून सर्व अटी व शर्तींची खात्री करून घ्यावी.)